AzQAC Sumqayıt şəhər bölməsində bayram münasibətilə ehtiyaclı ahıllar “SOCAR Polymer" MMC tərəfindən ərzaq sovqatları ilə sevindirilib

Əsas səhifə / XƏBƏRLƏR / AzQAC Sumqayıt şəhər bölməsində bayram münasibətilə ehtiyaclı ahıllar “SOCAR Polymer" MMC tərəfindən ərzaq sovqatları ilə sevindirilib

Hər il olduğu kimi bu il də əməkdaşlıq etdiyimiz “SOCAR Polymer" MMC-nin rəhbərliyi Novruz bayramında ahıllarımızı unutmamış, onlara bayram sovqatlarının hazırlanmasında öz dəstəklərini göstəriblər. AzQAC Sumqayıt Regional Mərkəzin koordinatoru Mətanət Məhərrəmova “SOCAR Polymer”in əməkdaşı Aygün Musayevanı salamlayıb, bayramlarda bölmə qeydiyyatında olan ahıllara göstərdikləri diqqət və qayğı üçün təşəkkürünü bildirib. Bayram sovqatları alan ahıllar da öz növbələrində xeyriyyəçi təşkilat nümayəndələrinə, QAC Sumqayıt şəhər bölməsinin əməkdaşlarına öz minnətdarlıqlarını bildiriblər. Bölməyə gəlmək imkanı olmayan ehtiyaclı ahılların bayram sovqatları bölmə könüllüləri tərəfindən evlərinə çatdırılıb.